係嘅，我終於都叫畫好咗一本啦，而家應該埋頭苦幹畫第二本先係，不過我好掛住我班鄰居，俾我放鬆返幾日先😭
呢本書好在有星夜嘅designer大人幫手執版面設計嗰啲，唔係我應該做到六月都未做完
當然唔少得多謝我嗰個識咗好多年嘅暉暉編輯大人幫我打理好多濕星嘢，我先可以咁早脫苦海❤️
而喺畫嘅過程中，因為充斥咗好多不愉快嘅回憶，畫起上嚟真係特別地辛苦，好在而家總算捱過咗
畫完後更有一種：「呀，終於都解脫啦」
呢種感覺非常痛快，感謝星夜俾機會我發表呢本對我人生意義極度重大嘅作品！
亦都好感謝格子嘅體諒，肯等我專心做完呢本情緒書再做貓貓書
第一次一年內出兩本書，雖然唔知趕唔趕得切書展，甚至書展搞唔搞得成都成問題，不過嘢都係要照做嘅
放鬆完我會趕稿㗎啦😭
同時祝願各位真香港人同手足平平安安，健健康康，上上下下都齊齊整整！
繼續去抖抖氣再搏命，之後再見！
Search